TVB啲奸角往往最令人
印象深刻
而家有追TVB剧集嘅观众
係咪对于《伙计办大事》嘅
终极Boss係霍晋成（郑子诚 饰）
一啲都唔意外
仲会补多句
睇样就知唔係“好人”
剧集播到第20集嘅时候
“恶人”霍晋成终于现身
果然仲係熟悉嘅套路
係富商亦都係“恶人”老大
佢扮奸角又真係入木三分
有霸气得嚟又男子憎
郑子诚入行咁多年
可能喺观众心入面
係唔抢眼嘅“茄哩啡”
讲到大佬、打手或者係收数佬
郑子诚都可以算得上
“奸人之首”吧
每次郑子诚喺剧集出场总会
和奸诈阴谋、贱格、咸湿
呢啲词有关系
不过佢喺《伙计办大事》入面
係做有文化、高智商嘅
商业型大佬
最难忘嘅係佢喺《烈火雄心》
饰演“除草”唔眨眼嘅Marco李子浩
禁锢、踢人下山、嫁祸他人、
教唆他人等无恶不作
当时嘅佢真係奸到出汁
除咗佢之外
TVB仲有边几位
係我哋一睇到佢个样
就知道佢係奸角嘅？
↓
讲奸角点少得“佛爷”
李成昌喺《高手》嘅
角色深入民心
佢身上啲金链金手表金戒指
好似半永久咁
简直奸角标配
李成昌饰演嘅朱祥法（佛爷）
做嘢心狠手辣又记仇
KO人哋嘅方法及其恶劣
有一集係佛爷坐车
遇到轻微交通意外
被追尾嘅司机要求赔偿5000
佛爷粒声唔出掉低8000
仲殴咗身个司机要佢食拖鞋
李成昌呢款财大气粗嘅“恶人”
同埋郑子诚智慧型嘅版本
边款更符合你心中恶人嘅形象？
有啲奸角唔一定係阿爸
有可能係太子爷
李天翔饰演嘅蒋家荣（太子）
喺《解决师》入面奸得出神入化
佢係进兴龙头蒋滔（罗乐林 饰）个仔
帮老豆打理社团和滔天集团
斯斯文文着晒西装
点知係“披着羊皮的狼”
李天翔演过好多反派角色
例如变态高手、色魔等
高超嘅演技加上佢凶狠嘅眼神
成功喺网友心中留下“恶人”形象
再早啲
睇返《使徒行者2》嘅时候
发现有个好耐冇见嘅奸角
收数佬白头彪（黄文标 饰）
即使佢戏份唔多
但佢收数同埋凶人嘅时候
足以令观众留下深刻印象
可能因为佢一直都有留须
畀人凶神恶煞嘅感觉
就好似啱啱识嘅朋友话你
第一眼睇落好高冷
真係咩都冇做就畀人话高冷
黄文标就係一出镜就恶人look
但係呢个look反而令黄文标
有咗一个更加清晰嘅人设
唔少剧集中有凶狠反派嘅角色
好多都会搵佢嚟演
《赌场风云》嘅拐子佬豹哥、
《妒火线》好男子憎嘅大耳窿、
《妙手仁心2》不务正业嘅古惑仔、
《刑事情报科》恶人成员等
都係由黄文标饰演
讲到个look似奸角
林敬刚都要占一位
睇《铁探》嘅时候尤其留意佢
对细路仔都落得到手嘅恶人
林敬刚饰演剧中营长吴廷烨嘅手下
负责帮佢进行不法交易
“敬业”得嚟细路都唔放过
绑架个女仔嘅时候冷酷狠心
奸角啲演技不容小觑
有一幕营长要林敬刚割耳仔
唔少观众都话全程睇实佢面部表情
仲以为自己要割耳仔
真係好肉赤
TVB咁多“恶人”
边个令你留下最恐怖嘅印象？
你心目中仲有冇其他人选
讲出嚟“斗恶”呀~
资料来源：微博、视频截图
互联网综合整理
编辑：实习生 许家铃
*文中图片版权归原作者所有，如有问题，请与原作者联系
扫描下方二维码
进入可乐生活小店
▼
海鲜包送到屋企
你都可以做厨神
▼
羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。
